Првиот разговор на новиот претседател на САД Џо Бајден со некој странски лидер ќе биде со канадскиот премиер Џастин Трудо и ќе се случи утре, рекла портпаролката на Белата куќа, Џен Псаки.

Псаки рекла дека двајцата лидери ќе разговараат за билатералните односи, како и за одлуката на Бајден формално да ја укине дозволата неопходна да се изгради нафтоводот Кистоун, меѓу двете држави, пренесува Ројтерс.

Трудо вчера му ја честиташе инаугурацијата на Бајден како 46-тиот американски претседател и на Твитер напиша дека очекува успешното партнерство меѓу САД и Канада да продолжи.

Congratulations, @JoeBiden, on your inauguration as the 46th President of the United States. Our two countries have tackled some of history’s greatest challenges together – and I’m looking forward to continuing this partnership with you, @KamalaHarris, and your administration.

— Justin Trudeau (@JustinTrudeau) January 20, 2021