Надал прво поради повреда го откажа настапот на турнирот во Ротердам, а сега се откажа и од турнирот од серијата АТП 500 во Акапулко кој досега го освојуваше три пати. Последен пат триумфира минатата година, а интересно е што причина за отсуството не е повреда, туку пати, односно организаторот нема доволно средства за да го донесе Надал. Оваа информација ја откри директорот на турнирот, Раул Сурутуса.
– Односот со агентот на Рафаел Надал е одличен, преговорите беа отворени но, реалноста е дека немаме толку пари. Нашиот буџет е ограничен и поради тоа одлучивме да го искористиме за доведување на тенисерите кои мора да ги донесеме – призна директорот на турнирот.

Одамна е познато дека најдобрите тенисери добиваат „премија за настап“ на помалите турнири, а според извори блиски до директорот на турнирот во Акапулко, Рафаел Надал за учество на турнирите од АТП сериите 250 и 500 наплатува помеѓу 500.000 и милиони долари.
„Многу ми е жал што нема да настапам на Акапулко 2021. Ова е тешка година за сите нас и со мојата моментална состојба, со болките во грбот, невозможно е да одам на толку долг пат. Многу ми се допаѓа Акапулко, таму играв во последните четири години, но оваа тоа не е можно. Се надевам дека во 2022 година ќе бидам таму“, напиша Надал на својот Твитер профил.

Lamento mucho no participar en Acapulco 2021. Es un año difícil para todos y en mi actual estado de salud, con dolencia en la espalda, hace imposible realizar un viaje tan largo. Me encanta Acapulco, jugado los últimos 4 años, pero este año no ha sido posible. Ojalá en 2022! ?

— Rafa Nadal (@RafaelNadal) February 26, 2021