Откриено е зошто Роналдо сака да си оди од Јунајтед
Кристијано Роналдо им е лут на челниците на Манчестер јунајтед поради намалувањето на платата и сака во летниот преоден рок по секоја цена да си замине од „Олд трафорд“.
Неговиот агент Жорге Мендеш веќе некое време го нуди на екипите низ Европа, а сега капитенот на Јунајтед, Хари Мегваер, случајно или намерно ја откри вистинската причина за желбата на Роналдо да си замине.
Мегваер „лајкна“ објава на социјалните мрежи во која се наведуваат информации за Португалецот и неговото заминување од Јунајтед.
Why would you like that…. this club is like a soap opera. pic.twitter.com/uCr8SXrXoZ
— Mark Goldbridge (@markgoldbridge) July 6, 2022
– Роналдо е лут затоа што на сите играчи им се одбиени 25 отсто од платата поради необезбедениот пласман во Лигата на шампионите следната сезона. Поради тоа, Португалецот наместо 480.000 фунти, во новата сезона ќе заработува 360.000 фунти неделно – објави „Спортбајбл“, а „лајкна“ Мегваер.
Потегот на капитенот не остана незабележан од фановите и новинарите кои веднаш тој потег го протолкуваа како причина за барањето на Роналдо да си замине.
Роналдо по секоја цена сака да си оди од Јунајтед, сега му се нуди и на Атлетико Мадрид