Јавен обвинител започна истрага против двајца мажи кои го ограбиле казиното „Адмирал“ на улицата а улица „12 Македонска Бригада“ во Скопје. Според ОЈО, еден од осомничените е осомничен за помагање во разбојништвото.

Според ОЈО, осомничениот 22-годишен скопјанец, на 20 минатиот месец околу 22 часот, заедно со едно засега непознато лице, негов соизвршител, со употреба на пиштол се заканил на двајца вработени во казиното „Адмирал“ лоцирано на улица „12 Македонска Бригада“. Маскирани со фантомки, разбојниците влегле од задната врата на казиното и одзеле 126.161 денари. Второосомничениот, 19-годишен скопјанец, ги чекал двајцата сторители во возилото „ауди А5“ кое го ставил на располагање за обезбедување превоз, со што помогнал во вршењето на кривичното дело. Откако осомничените излегле од казиното, биле пресретнати од полицајци, па побегнале. Судот го прифати барањето на ОЈО на еден од осомничените да му е определен притвор со траење од 30 дена, наведува Обвинителството.