Ако некој е под лупа на јавноста, тоа сигурно е британското кралско семејство. За тоа во добар дел е заслужна и мистеријата која владее околу неговите членови.

Деталите од приватниот живот на кралицата Елизабета и нејзините наследници се многу интересни, а животот во внатрешноста на палатата ги интересира сите.

Така овие денови во британските медиуми исплива информација дека телохранителите на кралицата Елизабета (93) имаат посебно име за неа кога таа се појавува во јавноста.

„Daily Mirror“ пишува дека телохранителите кралицата ја нарекуваат Шерон (Sharon) или само Ш (S). Тоа е нејзиното кодно име за да и се заштити идентитетот. Кога комуницираат со пораки, телохранителите кралицата ја нарекуваат само „Ш“.

Интересно е тоа што нема само кралицата Елизабета кодно име. „Mirror“ пишува дека Дејвид Стивенс (David Stevens) и Девина Скот (Davina Scott) се кодните имиња за принцот Хари (Harry, 35) и Меган Маркл (Meghan Markle, 38) .