Новата книга на авторката Венди Холден, „The Guverness“, изнесе досега непознато тврдење за 94-годишната кралица Елизабета Втора. Според овој податок од нејзиното детство, кралицата патела од опсесивно-компулсивно пореметување поради кое, на пример моливите секогаш ги сложувала во рамна линија за да се чувствува сигурно.

Книгата која на Амазон е опишана како историска и биографска зборува за Марион Крафорд, која била учителка и гувернанта на Елизабета додека била млада принцеза.

Едно поглавје од книгата открива дека Елизабета компулсивно ги сложувала моливите и тањирите кога имала можност за тоа.

„Марион, која се специјализирала за детска психологија, сфатила дека станувало збор за опсесивно пореметување. На прашањето зошто така ги сложува предметите, Елизабета ѝ одговорила дека поради тоа се чувствува сигурно, но на прашањето сигурна од што, никогаш не ѝ одговорила“.

Марион Крафорд во нејзината книга „Малата принцеза“ од 1950 година признала дека тогаш идната кралица, која таа ја викала Лилибет, била многу уредно девојче кое своите работи ги чувало беспрекорно уредно.

„Своевремено станав прилично загрижена за Лилибет и нејзините фази. Стана скоро премногу уредна. Во текот на вечерта неколкупати би станувала од креветот за уредно да ги сложи чевлите и облеката“, открила Марион, додавајќи дека сестрата на Елизабета, Маргарет, набрзо почнала да ја имитира и да ѝ се смее поради таквите постапки.