Откриена тајната на мумифицираната бремена женa во Египет: Мистеријата за која зборува целиот свет
Научниот свет со денови зборува за откритието на полските египтолози, кои со детално скенирање откриле мумифицирана бремена жена.
Поради коскената структура на малите деца, нивните остатоци ретко се наоѓаат. Состојбата со фетусите на починати бремени жени е уште потешка, па затоа ова откритие е од голема важност.
Тоа исто така ова открите зборува за староегипетското верување во задгробниот живот. Тие верувале дека нероденото дете е живо и затоа го оставиле во утробата на починатата мајка за да премине со неа на другиот свет. Процесот на мумификација вклучува отстранување на сите внатрешни органи и ткива што може да го оштетат телото на починатиот за време на процесот на распаѓање.
Проектот започнал уште во 2015 година, а била користена најсовремената технологија за испитување на артефактите. Целиот процес на истражување се случил во Националниот музеј во Варшава, во кој учествуваа неколку научници.
Претходно, се сметало дека мумијата е свештеник, но рендгенските снимки откриле дека всушност станува збор за жена во подоцнежните фази од бременоста.
Експертите кои работеле на проектот сметаат дека остатоците најверојатно ѝ припаѓаат на жена која потекнувала од повисока класа, на возраст од 20 до 30 години и се верува дека починала во 1 век п.н.е.