Откриена српско-финска операција за растурање на мархиуана, уапсени осум лица
Во заедничка операција на припадниците на српското Министерство за внатрешни работи, Секторот за внатрешна контрола и полицијата на Финска уапсени се осум лица, додека по едно уште се трага, поради сомнение дека извршиле кривични дела и неовластено производство, чување и ставање во промет на опојни дроги.
Полицијата во Србија уапсила четири лица, од кои едно е полициски службеник, додека на територијата на Финска се пронајдени три лаборатории за производство на марихуана, а притоа исто така се лишени од слобода четири лица.
Членовите на оваа криминална група се сомничат дека на територијата на Финска организирале производство на марихуана во вешачки услови, нејзина продажба и префрлање на заработените пари во Србија.
При претрес на објектот во кој биле сместени лабораториите во Финска се пронајдени 650 стебла на канабис, опрема и поголема количина на пари, евиденција за продажба на дрогата и договор за откуп на објкетот.