Признајте дека ве нервира кога со омилениот филм ќе решите да си подготвите чинија вкусни пуканки, а дел од нив не пукаат, туку остануваат да лежат на дното од тавата.

Освен што нема да ја добиете посакуваната количина, често фрустрирачки е да се пребира по зрната и да се бараат пуканки.

Зошто се случува ова и како е можно едни зрна да испукаат, а други не, иако се готват во ист сад и на иста температура, објаснува физичарката и авторка на книгата „Бура во чаша: Физика во секојдневието“, Хелен Цезерски.

– Причината поради која зрното пченка пука е тоа што неговата лушпа е водоотпорна и внатре има мала количина вода, а повеќе скроб. Кога ќе се загрее зрното доволно, во внатрешноста притисокот и температурата растат и го варат скробот, а водата испарува. Како што испарува водата, така почнува да се шири, а резултат на тоа е некои зрна, односно лушпите од зрната тоа не можат да го поднесат и притисокот расте, додека пукне зрното – вели Хелен, објаснувајќи дека целиот тој сварен скроб е всушност она што им дава интересен облик на пуканките.

Причината на непукањето кај некои зрна е во тоа што тие лежат на дното од тавата и водата може да истече од нив во текот на загревањето, а тоа нема да создаде притисок внатре. Скробот е сварен, ама останува во внатрешноста и тоа зрно никогаш нема да стане пуканка.