Откриен оригиналниот наслов на најголемиот хит на групата „Квин“
Помеѓу повеќе од 1.500 предмети од приватната колекција на пејачот Фреди Меркјури, кои ова лето ќе бидат продадени на аукција, пронајден е оригиналниот ракопис на песната „Bohemian Rhapsody“, еден од најголемите хитови на групата „Квин“, пишува „Гардијан“.
Имено, откриено е дека песната првично требала да го носи насловот „Mongolian Rhapsody“. Фронтменот на групата „Квин“ ја напишал песната под тој наслов, но подоцна ја променил со добро познатиот наслов. На една од 15-те страници на ракописот, може да се забележи дека тој го напишал насловот „Mongolian Rhapsody“, за потоа да го пречкрта зборот „Mongolian“ и напишe „Bohemian“.
Меркјури, поинаку го замислил и стихот „Мамо, штотуку убив човек“, кој првично требал да гласи: „Мамо, почна војна, морам да заминам вечерва“.
Инаку, песната „Bohemian Rhapsody“, издадена во 1975 година е трет најпродаван сингл во Велика Британија на сите времиња, а ракописот на престојната аукција се проценува на повеќе од еден милион фунти.
Приватна колекција од 1.500 предмети на Фреди Меркјури оди на продажба
ФОТО | „Најтесните и најкратките“ кожени шорцеви на Фреди Меркјури продадени за 18.000 фунти