Откажан Грен слем турнирот „Вимблдон“
Тоа требаше да биде 134 издание на еден од најголемите тениски спортски турнири во светот, а одлучено е новото издание да се одржи од 28 јуни до 11 јули 2021 година.
Поради пандемијата на коронавирусот откажано е годинашното издание на „Вимблдон“, кое требаше да се одржи во првата половина на јули, објавија организаторите.
Тоа требаше да биде 134 издание на еден од најголемите тениски спортски турнири во светот, а одлучено е новото издание да се одржи од 28 јуни до 11 јули 2021 година.
It is with great regret that the AELTC has today decided that The Championships 2020 will be cancelled due to public health concerns linked to the coronavirus epidemic.
The 134th Championships will instead be staged from 28 June to 11 July 2021.https://t.co/c0QV2ymGAt
— Wimbledon (@Wimbledon) April 1, 2020
За првпат во 75 години, после Втората светска војна, се откажува овој грен слем турнир, а уште два големи спортски настани се презакажани за наредната година, Олимпијадата во Токио и Европското првенство во фудбал.
Претходно, „Ролан Гарос“ беше одложено, а беше најавено дека вториот Грен Слем од сезоната ќе се одржи од 20 септември до 4 октомври 2020 година. Засега ништо не се знае за „УС Опен“, кој е закажан за почетокот на септември.
Потсетување дека годинава на „Австралија опен“ триумфираа Новак Ѓоковиќ и Софија Кенин, а на ланското издание на „Вимблдон“ исто така најдобар беше Ѓоковиќ, а Симона Халеп во женска конкуренција.