Осумгодишно девојче кое исчезна лани во Германија, пронајдено во стан во Хрватска

Полиција, Хрватска / Фото: Профимедиа/Илустрација

Заедничко соопштение за медиуми од Државното обвинителство во Хајлброн – филијала на Швобиш хол и полицијата во Ален – објави дека налогот за потрага по исчезнатото 8 -годишно девојче се повлекува.

Како што објави полицијата во Ален, мајката и осумгодишната Тара Р. побегнале во Хрватска, пренесува Феникс Магазин. Пронајдени се во стан, а не е соопштено во кој град.

Локалните власти сега се грижат за Тара Р. додека осумгодишното девојче не се врати во Германија. Нејзината мајка е уапсена.

Тара Р. исчезна во септември 2020 година, а полицијата јавно ја бара девојката од јануари 2021 година. Полицијата не соопшти повеќе детали за случајот.

Извор: Феникс Магазин

Видео на денот