Осум дена притвор за Цуфи Кока и за уште две момчиња уапсени на протестите од 5 и 6 јули
Осум дена во притвор ќе останат три лица поврзани со протестите од 5 јули пред Собраниeто и од 6 јули кај плоштадот „Скендербег” откако судија на претходна постапка при Основниот кривичен суд Скопје ја определи оваа мерка.
-Постапувајќи по предлог на Основното јавно обвинителство за определување мерка притвор против три лица, поврзани со настаните од 5 јули пред Собранитето на РСМ и од 6 јули кај плоштадот Скендербег, судија на претходна постапка при Основниот кривичен суд Скопје, по прозинесување на осомничените во присуство на бранител, донесе решенија со кои го прифати предлогот на обвинителот и на трите лица им определи мерка притвор во траење од осум дена, согласно предлогот за водење истрага во скратена постапка, соопшти Основен кривичен суд Скопје.
Еден од нив е Цуфи Кока, кој во средата на плоштадот Скендербег упери пиштол кон демонстрантите и стрелаше во воздух, додека луѓе од чаршијата и протестантите се гаѓаа со камења, шишиња и други предмети. Тој е брат на Зуди Енузи Кока кој од градоначалничката Арсовска беше назначен за директор на „Комунална хигиена“ и вечерта по овој инцидент експресно беше разрешен од неа. Поради случајот Алијанса за Албанците чии активисти се браќата ја прекина соработката со ВМРО-ДПМНЕ.
Притвор доби и 18-годишното момче кое на 5-ти јули во текот на протестите пред Собранието карши објектот подготвуваше молотов коктел и го запали по што го предаде на друго лице за да го фрли кон кордонот полицајци кои го обезбедуваа законодавниот дом и се обидуваат да воспостават ред во хаосот кој настана таа вечер.
Третиот притворен е 22-годишен скопјанец, кој следниот ден пред Собранието исто така дошол подготвен – имал ранец полн со камења и запалки кои ги фрлал кон зградата на Собранието и поставените полицајци, при што еден од нив е повреден.
Судот смета дека се исполенти условите од член 470 ст.1 т.1 и 2 односно дека постои опасност од бегство и можност осомничените да го повторат кривичното дело. Против овие неправосилни решенија странките имаат право на жалба пред Кривичниот совет на овој суд.
Уапсен е пиштолџијата од плоштадот „Скендербег“, за кого Мицкоски тврди дека сакал да го убие