Осуденик успеал од затвор да измами тројца граѓани

Затворот во Идризово, Фото: МИА

34-годишен затвореник кој отслужува казна во затворот „Идризово“ успеал да измами тројца граѓани, оштетувајќи ги за околу илјада евра, соопшти МВР.

„СВР Тетово поднесе кривична пријава против Б.А.(34) од Скопје поради постоење основи на сомнение за сторени три кривична дела „измама”. Во периодот од 04.05.2021 до 18.07.2021 во Казнено-поправната установа -Затвор „Идризово”, пријавениот, кој се наоѓал на издржување казна затвор, во неколку наврати со лажно претставување и со лажно прикажување на факти, ги измамил И.Б.(50) од Тетово, Б.Ш.(36) од с.Селце и Н.Е.(50) од с.Џепчиште. На тој начин пријавениот се стекнал со противправна имотна корист во вкупен износ од 60.175 денари“, се вели во полициското соопштение, во кое нема повеќе детали за начинот на којшто осуденикот успеал во измамата.

Видео на денот