Осудениците на Флорида да ги платат сите казни, за да можат да гласаат на изборите

epa07810060 Female inmates from Brevard County Jail load free sandbags into the trunk of resident's car in Cocoa, Florida, USA, 01 September 2019. Hurricane Dorian, a powerful Category 5, is expected to strike the Bahamas on Sunday 01 September before passing to the east of Florida early next week. EPA-EFE/JIM LO SCALZO

Поранешните осуденици на Флорида ќе треба да ги платат сите парични казни и судски трошоци пред повторно да добијат право на глас, одлучи сојузниот апелациски суд и таа одлука може да влијае на резултатот од претседателските избори во ноември, пишува „Гласот на Америка”.

Федералниот апелациски суд ја смени пресудата на нижиот суд во Флорида, со кој на осудениците им се даде право на глас, без оглед дали ги подмириле своите финансиски обврски, и со тоа ја поддржа позицијата на републиканскиот гувернер Рон Десантис и на републиканското собрание на Флорида.

Во 2018 година, жителите на Флорида изгласаа дека треба да им се дозволи да гласаат на сите оние што ја издржале затворската казна.

Таканаречениот амандман 4 трајно забранува гласање за убијци и силувачи, а на останатите кои ја отслужиле затворската казна, а се проценува дека има околу 774 илјади, им е дозволено да гласаат.

Законот подоцна беше оспорен од делегатите во државното собрание, кои го поставија прашањето „што значи издржување на казната” и одлучија дека терминот значи дека осудениците треба да ги платат сите судски трошоци и парични казни пред да им биде дозволено да гласаат.

Пресудата на федералниот апелационен суд може да влијае на исходот од изборите во 2020 година. Флорида се смета за држава што сегашниот претседател Доналд Трамп мора да ја освои за да биде реизбран, а патем е позната и по нејзините „тесни” резултати. На гласовите на поранешните осуденици најмногу сметаа демократите, пишува Гласот на Америка. 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот