Два надворешни членови на Нобеловиот комитет денес поднесоа оставка, откако изнесоа критики на сметка на Шведската академија.

Писателот Кристофер Леандор наведе дека дава оставка од членството во Комитетот бидејќи, како што образложи, нема ниту време ниту трпение да чека ова тело да се реформира.

Тој, меѓутоа, напомена дека неговата одлука не е поврзана со одлуката на Комитетот да додели Нобелова награда за 2019 година на австрискиот писател Петер Хандке.

Шведската книжевничка и критичарка Гун-Брит Сундстром од друга страна, наведе дека главна причина за нејзинат оставка од Комитетот е токму доделувањето Нобелова нагада на писателот Хандке.

Таа во соопштението за оставката наведе дека од обазложението на одлуката за доделување на наградата на Хандке може да се заклучи дека книжевноста е над политката, истакнувајќи дека таа не го дели ова мислење.

Хандке е критикуван поради прикажувањето на Србија како жртва за време на војните во поранешна Југославија и поради тоа што присуствуваше на погребот на поранешниот југословенски претседател Слободен Милошевиќ, наведува „Ројтерс“.