Оставете ја политиката настрана – Бидете горди на Тамара!

Со осмото историско место, не само што е поставен еден рекорд кога станува збор за евровизиските настапи на нашата земја, туку е побиена и една стара народна македонска изрека – „не е важно да се победи, важно е да се учествува“.

Токму тоа е една од најголемите победи и највисоки достигнувања кои во евровизиското финале ги извојува Тамара.

Сега ќе речете – „ па не победивме“. Точно, не победивме, но за прв пат по осамостојувањето одевме на победа. Тамара не отиде само за да земе учество во Тел Авив и да се прошета, отиде да победи.

Гордо и македонски настапи на сцена, доста храбро во овие тешки времиња ја претстави нашата земја и тоа како никогаш досега. Без разлика на осмото место таа за нас треба да е голем и единствен победник.

Прочитајте и...  Што е тоа политика, а што се тоа избори

Меѓутоа,  секако, како и секогаш, ние сме нација со многубројни „експерти“ кои во секоја прилика имаат што да кажат и на сѐ да се спротивставуваат, а говорот на омраза е неизоставен дел од целата оваа работа.

Тоа беше случај и со Евровизијата, па сите тие веќе споменати експерти и навидум стручни лица, се јавија во коментари на социјалните мрежи по синоќешното финале.

Сега, го оспоруваат успехот бидејќи сме биле „Северна“, а не само Македонија, алудурајќи на Преспанскиот договор и повторно вплеткувајќи ја политиката. Факт е дека Евровизијата не е тоа што беше некогаш и политиката има огромен удел, меѓутоа, ова за нас е прво осмо место и прв пат, како што напиша и Игор Џамбазов на Фејсбук, барем за половина час во Европа, за време на гласањето бевме први, се почувствуваме горди на оваа мала земја во која живее истиот народ и кога беше само Македонија, без придавката „Северна“.

Прочитајте и...  Што е тоа политика, а што се тоа избори

Сите тие експерти забораваат дека и пред тоа речиси каде и да се одржуваше Евровизијата настапувавме под придавката „Фиром“, но тогаш веројатно тоа било во ред.

Ако зборуваме од политички агол, придавката „Северна“ нормално дека боли, ме боли и мене, меѓутоа сега зборуваме од музички аспект, зборуваме за евровизиски успех за кој сме мечтаеле со години наназад.

Во споменатите коментари на социјалните мрежи ги видов и оние кои сметаат дека само поради „Северна“ сме оствариле значителен успех, но и со тоа нема да се согласам. Отворете на „Јутјуб“, ќе видите дека песната на Тамара од финалната изведба има повеќе од половина милион прегледи и повеќе од 2.000 коментари.

Коментарите доаѓаат од лица од сите краеви на светот, не само од Европа, а сите повикуваат на тоа дека оваа песна требало да биде ПОБЕДНИК. Една музичка величина како Бој Џорџ застана зад таа песна, па сега немојте да ми кажете дека „Северна“ е виновна за овој успех. Не, за овој успех е виновна Македонија, виновна е Тамара и нејзината феноменална изведба.

Прочитајте и...  Што е тоа политика, а што се тоа избори

Поради сето ова, неопходно е да уживаме во ваквиот успех, да ја пуштиме политиката да си ги крои своите планови, бидејќи таа секаде и во сѐ се меша, но овој успех е нешто што не може да ни се одземе.

Слушајте ја песната гордо овие денови, восхитувајте се на феноменалната изведба и неверојатниот вокал на Тамара, заборавете на сѐ друго, ослободете се од омразата и радувајте им се на ваквите успеси, а политиката и „стручните коментари“, оставете ги настрана.

Прочитај повеќе

Што е тоа политика, а што се тоа избори

Ненад Јовановиќ

Карантинска катарза

Жанета Скерлев

На изборите ќе победиме, но ако се распишат – ќе бојкотираме!

Мирослав Грчев

Викенд на мртовци, а не е комедија

Сашо Орданоски

Нормални против ненормални?

Сашо Орданоски

Денко Малески или Стојан Новаковиќ?

Агрон Биба

Остави Коментар

Прочитај повеќе

Сезнајковци од сите маала, обединете се!

Слободен печат

Ајде, Филипче, зарази се веќе еднаш!

Сашо Орданоски

Зошто Мицкоски е на иста линија со инфодемијата?

Џабир Дерала

Фолирањето во информирањето на пензионерите

Мендо Димовски

Со бојкотот или врз него?

Сашо Орданоски

Ќе не изолираат како „Карантин држава“