Состанок за африканската чума со гости од повеќе земји, одгледувачите ќе изнесат предлози за понатамошно дејствување

Прв случај на Африканска свинска чума во земјава/ Фото: EPA-EFE/DAVID CHANG

Иако предвидувањата на соседните земји беа дека и кај нас наскоро ќе се појави африканска свинска чума, тоа засега сé уште не е случај. Според директорот на Агенцијата за храна и ветринарство, Зоран Атанасов, се преземаат сите неопходни и возможни превентивни мерки за спречување на болеста.

Африканската чума денеска ќе биде тема на состанокот во Скопје што го организираат домашните одгледувачи на свињи. Гости се директорката на Агенцијата за храна на Србија, како и висок претставник од Агенцијата за храна на Бугарија. За актуелната ситуација во земјава ќе зборува Атанасов, а одгледувачите ќе ги изнесат своите предлози за натамошно дејствување.

На дебатата насловена „Африканската свинска чума закана за свињарството“, ќе може да се слушне нешто повеќе и за биосигурносниот концепт во земјите од регионот, а споделени ќе бидат и чешки, како и романски искуства за справување со болеста

Директорот на АХВ, вчера, на прес-конференција, соопшти дека инспекциските служби будно ја следат состојбата во земјава. Пасивниот надзор се спроведува согласно донесените акти, а на секоја пријава од граѓани, ветеринари или институции за каков било сомнеж, веднаш се излегува на терен. Моментно има 29 одгледувалишта на свињи со висок ризик кои согласно мерките што се преземаат се очекува да преминат во фарми со низок или среден ризик. Заловувањето, пак, на дивите свињи што почна лани, ќе продолжи.

Досега е постапено по неколку пријави за пронајдени мртви диви свињи во регионите на Крива Паланка, Свети Николе, Куманово и Водно, но по направените анализи за африканска чума, добиени се негативни резултати. Во октомври лани на граничниот премин Деве Баир, пак, беше спречен и внес на пратка со свинско месо која по спроведените анализи покажа дека е позитивна на вирусот.

Алармот против африканската свинска чума се вклучи минатата година откако се зголеми бројот на жаришта во Бигарија, а се појавија првпат и во Србија. Неодамна, пак, појава на африканска чума пријави и Грција.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот