„Основач, но и робовладетел“: По еден век, Њујорк ја отстранува статуата на Џеферсон
Градот Њујорк го одобри предлогот да се отстрани статуата на Томас Џеферсон, еден од основачите на Соединетите држави, од Градското собрание, каде што беше повеќе од еден век, поради неговото минато околу робовладетелството, пишува Њујорк Тајмс.
Градскиот совет едногласно го усвои предлогот за отстранување на статуата на Томас Џеферсон, кој исто така е еден од авторите на Декларацијата за независност на Соединетите држави.
Џеферсон држел повеќе од 600 робови и робинки во заробеништво на неговата плантажа во Вирџинија и имал шест деца со една од робинките.
Латиноамериканските и афроамериканските членови на градскиот совет веќе неколку години бараат отстранување на статуата од градското собрание.
A statue of Thomas Jefferson will be removed from the City Council chambers in New York after a debate over his legacy and association with slavery. https://t.co/24p8qloLdn
— The New York Times (@nytimes) October 18, 2021
Поместување на статуата
Се очекува статуата да биде преместена во салата на Историското друштво на градот Њујорк.
Третиот американски претседател Томас Џеферсон ги пишува едни од најсрамните страници во долгата и богата историја на нашата земја “, рече афроамериканскиот член на градскиот совет на Њујорк, Адриен Адамс.