Османи: Зелената агенда значи нов начин на живот, а не само екологија

Бујар Османи во „Утрински брифинг“
Бујар Османи во „Утрински брифинг“ Фото: „Слободен печат“ / Драган Митрески

Може ли да се доведе во прашање мнозинството на Владата, при услови на тенко мнозинство во парламентот, а со оглед на резултатите од локалните избори во кои опозицијата постигна подобар резултат од позицијата, го прашавме министерот за надворешни работи Бујар Османи, кој е и висок функционер на ДУИ.

– Во последниве 10 години секоја година имаме избори. Немаме потреба од тоа. Тоа значи стискање пауза на работите во државата. Мислам дека нема да има нови избори и потреси. Пред нас се важни прашања, а мнозинството е стабилно, вели Османи за „Утрински брифинг“.

Во врска со изјавата на лидерот на ДУИ Али Ахмети дека следно е претседател Албанец во РС Македонија која беше толкувана како предизборен популизам, Османи вели дека Ахмети не е разбран соодветно.

– Ахмети зборуваше за еднаквоста како принцип, дека ниеден човек не може да биде исклучен. Тој ги објасни тие работи како промена на начинот на однесување. Тоа што беше во 90-тите либералната агенда сега е зелената агенда. Ние се адаптираме кон новото време. Прво, зелената агенда ја сфаќаме како нов начин на живот а не само како екологија. Правиме стратегија натаму преку практични решенија во таа насока, вели Османи.

 

Видео на денот