Османи за трагедијата во Цетиње: Косово е заедно со Црна Гора
Претседателката на Косово, Вјоса Османи, по повод трагедијата во црногорскиот град Цетиње, каде што вчера едно лице уби десет и рани уште неколку други лица, порача дека косовската држава и граѓаните се „заедно со црногорскиот народ во овие моменти на жалост“, јави дописникот на МИА од Приштина.
Османи преку својата страница на Твитер им изрази сочуство на нејзиниот црногорски колега, Мило Ѓукановиќ и на семејствата на загинатите и им пожела брзо опоравување на повредените.
„Ожалостена од веста за масовните пукотници во Цетиње во Црна Гора. Им изразуваме сочувство на претседателот Ѓукановиќ, на семејствата кои ги загубија своите блиски и им посакуваме брзо оздраввуање на повредените. Ние стоиме заедно со црногорскиот народ во овие моменти на жалост“, напиша Османи.
Еден 34-годишен жител на Цетиње вчера уби со огнено оружје десет свои сограѓани, меѓу кои и две деца, пред и самиот да биде убиен од полицијата.
Црна Гора поради трагедијата прогласи тридневна национална жалост.