Во Сaрај, Липково и Пласница очекуваме победа уште во првиот изборен круг, а тоа е можно и во Чаир и во Куманиво, изјави портпаролот на ДУИ, Бујар Османи на првата прес конференцијс по завршувањето на првиот круг на локалните избори.

Османи, повикувајќи се на прелиминарните податоци кои ги има од аналитичкиот центар на ДУИ, рече дека водат во речиси сите општини каде што партијата има кандидати за градоначалници и дека е убеден во историска победа на партијата на овие избори.

– Првиот круг од изборите, според информациите кои ги имаме, заврши успешно. Беа регистрирани малку технички проблеми кои беа надминати. Слободно можам да кажам дека се спроведени фер и слободни избори – рече Османи.

Тој прогнозира дека ќе победат во речиси сите општини. Османи им честита на граѓаните кои излегле да гласаат, без оглед за кого гласале.