Османи: Успешното партнерство меѓу агенциите на ОН и Владата трае повеќе од 20 години

Обединетите нации со своите агенции во Република Северна Македонија се партнер на Владата во дијалогот за секторските стратегии и политики и активни поддржувачи во секторската координација преку проекти кои континуирано се спроведуваат во последните 20 години, порача вицепремиерот за европски прашања Бујар Османи на денешната средба во Скопје со Росана Дуџак, постојаната координаторка на ОН во земјава.

На средбата, информираат од Кабинетот на Османи, стана збор за следните чекори и начини за дополнително јакнење на стратешкото партнерство помеѓу Република Северна Македонија и Обединетите нации, со посебен акцент на постигнувањето на Целите за одржлив развој.

За време на разговорот, вицепремиерот Османи изразил благодарност за огромната и континуирана поддршка што нашата земја ја има од ОН во процесот на демократизација на државата, како и за поддршката во позначајни области за граѓаните, особено во делот на заштитата на животната средина.

Во овој контекст тој го изразил своето задоволство од работата на канцеларијата на УНОПС што беше отворена минатата година, во насока на имплементација на средствата од Норвешка и Шведска, чија билатерална поддршка претставува основа за имплементација на проектите на УНОПС во Северна Македонија за поддршка на процесот на европска интеграција.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот