Османи со смирувачки тон за меморандумот на Бугарија: Имаме стратегија, знаеме што правиме
Имаме стратегија и знаеме што правиме, порача министерот за надворешни работи, Бујар Османи во врска со меморандумот што Бугарија го проследи до земјите членки на Европската Унија (ЕУ) и потенцијалната можност за документот да биде кочница на интеграцијата на Македонија во европското семејство на држави и народи.
Наследникот на Димитров на позицијата во МНР на денешната прес-конференцијата ја образложи мисијата на ресорот со кој ќе управува во наредните четири години и најави цврсто бранење на државните и национални интереси.
– Имаме стратегија, знаеме што правиме. Црвените линии на бранење на нашите национални и државни интереси се поставени и цврсто стојам на нивниот браник. Ве уверувам како што паметно стигнвме до одлука за почеток на преговорите, така ќе ги почнеме и преговорите“, изјави Османи.
Османи, сепак, рече дека бугарскиот меморандум отстапува од Договорот за добрососедство.