Османи: Не правиме пазар за гувернерското место

По објавувањето на информацијата на весникот Коха дека се прави пазар ДУИ да го земе гувернерското место, портпаролот на ДУИ, Бујар Османи демантираше дека партијата условува нов гувернер на Народна банка да биде Фатмир Бесими, а актуелната гувернерка Анита Ангеловска Бежовска да седне во фотелјата на министерството за финансии.

Но, впечатливо е дека Османи негира само дека во моментов има какви било преговори за таа функција, но не и дека Бесими може да седне на гувернерската позиција. Познато е дека гувернерската функција е меѓу позициите кои партијата на Али Ахмети смета дека треба да бидат предводени од Албанец. Инаку за потсетување Фатмир Бесими пред повеќе десети години беше вицегувернер на Народната банка.

– Прво во коалицијата не функционираме со условувања, туку со меѓусебно разбирање и договарање и второ демантирам дека кога било или со кого било е разговарано за таква комбинација. Фатмир Бесими е професионалец кого би го посакала секоја економско-финансиска институција, вклучувајќи ја и Народна Банка, но тоа е прашање на неговата професионална експертиза, а не партиско политичка комбинаторика – изјави Османи.

 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот