13 C
Скопје

Османи: Не постои друго решение со Бугарија освен спроведување на Договорот за добрососедство

Мнистерот за надворешни работи, Бујар Османи, во интервју за „360 степени“, вели дека барањето на Бугарија да се прифати дека македонската етногенеза е бугарска, а македонскиот јазик е кодифициран врз основа на западно-бугарски дијалекти е рефлексија на создадената недоверба кон Договорот за добрососедство.

„Реално, таа формулација е официјално предложена од Бугарија како решение на еден од КОРЕПЕР-ите (состанок на амбасадорите на земјите членки на ЕУ) пред одржување на Советот за општи работи на ЕУ – дека доколку ние ја прифатиме историската реалност, Бугарија ќе ја прифати сегашната реалност. Меѓутоа, мислам дека тој став во моментот е рефлексија на недовербата создадена од Договорот и од процесот кој сме го создале. Бидејќи во право се тие што велат дека Договорот не ја предвидува оваа тема за разговори. Договорот предвидува дека историските комисии ќе ги разгледаат историските аргументи како основа за заедничко одбележување и градење на доверба“вели Османи.

Тој смета дека не постои друго решение освен спроведување на Договорот за добрососедство.

Прочитајте и...  „Цела куќа се тресеше како граната да експлодира“: Нов силен земјотрес кај Петриња

-Не постои простор дека може да има договор за таква формулација. Но, во сржта на проблемот е недовербата. Недоверба која постои меѓу општествата подолг период и меѓу интелектуалци, научници, историчари, политичари. Меѓутоа, недовербата се пренесе и на Договорот чијашто улога беше да ја врати довербата. Тоа потоа еволуираше во една ваква форма на резолуција, декларација донесена на Собрание со вакви верзии на дефинирање што било, вели Османи.

Потенцира дека само враќањето на довербата во процесот и спроведувањето на Договорот за добрососедство потпишан во 2017 година може да ги донесе двете земји до решение.

Поврзани вести

ВИДЕО: Руската балтичка флота почна големи поморски маневри

Слободен печат

МВР приведе скопјанец кој бил баран со потерница

Слободен печат

Шахпаска: Се пријавуваат само 15 проценти од случаите на семејно насилство

Слободен печат

Министерот Спасовски на средба со претставници на Македонски полициски синдикат: Реновирани над 50 објекти на МВР

Слободен печат

„Доминион” бара оштета од Џулијани во висина од 1.3 милијарди долари поради тврдењата за изборен фалсификат

Илинка Иљоска

Пленковиќ: Дипломатијата околу вакцините се претвора во киднапирање

Слободен печат

Остави Коментар