Тренерот на Шкендија, Ќатип Османи, е задоволен од триумфот на неговите фудбалери над Номе Калју на стартот од квалификациите за Лигата на шампионите.  Македонскиот шампион славеше со 1:0 на гостувањето кај естонскиот шампион, но Османи смета дека победата требаше да биде поубедлива.

– Убаво е кога европските настапи ќе ги почнете со победа иако мора да нагласам дека можевме и мораше да дојдеме и до поубедлива победа. Но, секако ова е прв натпревар за нас ова лето и секако значајна победа. Сепак, не треба сега триумфот да не залажува затоа што целокупната работа ќе мора да ја завршиме за една недела пред нашите навивачи и секако да обезбедиме пласман во следното коло – изјави Османи.