Османи: Косово е подготвено да организира нови избори на северот, но тоа не се прави веднаш
Претседателката на Косово Вјоса Османи изјави дека косовските власти се подготвени да го разгледаат барањето на лидерите на Франција и Германија за одржување нови локални избори во четири општини на северот на Косово.
Бидејќи францускиот претседател Емануел Макрон и германскиот канцелар Олаф Шолц изјавија дека денеска во Молдавија апелирале до Србија и Косово што поскоро да организираат нови избори на северот на Косово, со учество на Срби, Османи рече дека им кажала дека законските процедури дозволуваат одржување нови избори.
„Тоа не се прави веднаш, но има законски процедури што им овозможуваат на граѓаните да одлучат дали сакаат избори“, изјави Османи по заедничката средба со Макрон и Шолц на самитот на Европската политичка заедница во Молдавија.
Османи на Твитер напиша дека разговарала со Макрон и Шолц за последните случувања на Косово и „заедничките напори за мир, безбедност и стабилност“.
Макрон и Шолц денеска имаа заедничка средба со претседателот на Србија, Александар Вучиќ.
По тие средби со Вучиќ и Османи, Макрон изјави дека е договорено во наредните недели да се донесе „јасна одлука“ за ситуацијата на северот на Косово.
„ Ги повикавме двете страни да организираат нови избори што е можно поскоро во четири општини (на северот на Косово) и на нив да учествуваат српските претставници“, изјави Макрон по заедницата на Европскиот политички самит.
По самитот во молдавското село Булбоака, Макрон изјави и дека шефот на европската дипломатија Жозеп Борел ќе разговара со лидерите на Србија и Косово за одржување нови избори.
Српскиот претседател Александар Вучиќ денеска во Молдавија изјави дека делегацијата од Приштина не сакала да има средба со српската делегација на самитот на европската политичка заедница и дека тоа не е одобрено од другите лидери.
„Ситуацијата на Косово, заедно со Украина, стана главна тема на самитот на европската политичка заедница. Зборувавме и јас и (претседателот на Косово Вјоса) Османи, тие не сакаа средба со српската делегација, а тоа не беше одобрено од кого било “, изкјави Вучиќ на крајот од самитот, пренесе Бета.
Вучиќ: Приштинската не сакаше да има средба со српската делегација на самитот на ЕПЗ