Османи и Харадинај-Стубла на видео средба упатија честитки по повод Денот на независноста на Албанија

Фото: Слободен печат/ Драган Митрески

 По повод Денот на независноста на Република Албанија денеска се реализираше видео средба на министрите за надворешни работи на Северна Македонија, Косово и Албанија, Бујар Османи, Мелиза Харадинај–Стубла и Гент Цакај.

– Упатувајќи срдечни честитки до албанскиот хомолог Цакај, на овој убав настан за државата Албанија и албанските граѓани, министрите Османи и Харадинај-Стубла, искажаа задоволство за степенот на соработка меѓу трите пријателски држави и взаемната посветеност на градење на добрососедски односи, како гаранција за стабилна и просперитетна европска иднина на регионот во целост, соопшти Министерството за надворешни работи.

Соговорниците се сложиле за важноста да се продолжи со позитивниот тренд во односите и соработката, потенцирајќи дека солидарноста, меѓусебното разбирање и поддршката се темели врз кои може да се градат долгорочни хармонични односи и партнерство.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот