Османи го прими новиот евроамбасадор во земјава: Добиваме искусен дипломат и искрен сојузник на патот кон ЕУ

Доаѓате во исклучително важен момент за нашата држава во однос на патот кон Европската Унија. Се потпираме на вашето искуство и на вашата искрена поддршка на овој пат, што ќе претставува историски заеднички успех уште на самиот почеток од вашиот мандат, му порача министерот за надворешни работи Бујар Османи на новоименуваниот амбасадор и шеф на Делегацијата на Европската Унија во Северна Македонија, Дејвид Гир, на денешната нивна средба.

Од Министерството за надворешни работи (МНР) соопштија дека Осман изразил задоволството што со амбасадорот Гир, Северна Македонија добива искусен дипломат и сојузник кој професионално и принципиелно ќе се вложи во европската перспектива на државата, што претставува исклучителна важност за земјата во пресрет на претстојното објавување на годишниот извештај и пакетот за проширување на Комисијата и очекувањето земјата повторно да добие позитивни оценки.

Прочитајте и...  Ромската интерпарламентарна организација изрази сочувство за смртта на Амди Бајрам

– По историската одлука во март за почеток на преговорите, веруваме и очекуваме дека земјите членки во рамки на германското претседателство со Советот на ЕУ наскоро ќе ја договорат преговарачката рамка и до крајот на годината ќе ја одржиме Првата меѓувладина конференција која ќе го означи конкретниот почеток на преговарачкиот процес, рече министерот за надворешни работи на средбата со Гир кој доаѓа на местото на досегашниот евроамбасадор во земјава Самуел Жбога, чиј мандат истече овој месец.

Османи, посочија од МНР, ја искористил средбата со новоназначениот амбасадор да ја пренесе благодарноста на Владата до Европската Комисија за поддршката во борбата со предизвиците на кризата со Ковид-19, како и да ја поздрави демонстрираната солидарност во време на пандемијата од страна на Европската Унија.

Прочитајте и...  ВИДЕО: Во Авганистан убиен еден од лидерите на Ал Каеда

Поврзани вести

Лавров во следните три дена ќе ги посети Грција, БиХ и Србија

Слободен печат

Нови 561 случаи на коронавирус, 22 лица починаа, 197 пациенти се оздравени

Слободен печат

Вучиќ: Трамп ќе ја дава вакцината бесплатно за пензионерите, ние бесплатно за сите

Слободен печат

Дневен преглед на состојбата со коронавирусот во светот

Слободен печат

Состојбата во Албанија не се подобрува: 299 новозаразени, четири лица починаа

Слободен печат

Италија со нов црн рекорд: Над 21.000 новозаразени, 128 лица починаа

Слободен печат

Остави Коментар