Османи: Денешната неправда не смее да нѐ оддалечи од нашите напори да продолжиме со имплементацијата на реформи – Слободен печат
ВестиМакедонија

Османи: Денешната неправда не смее да нѐ оддалечи од нашите напори да продолжиме со имплементацијата на реформи

Но денешниот Совет на ЕУ покажа дека и на Унијата и е потребна реформа. Една земја, чие клучно барање е да се напушти принципот на консензус при одлучувањето, денес го искористи ова право за да не дозволи заокружена одлука за старт на преговорите.

Заменик на претседателот на Владата, задолжен за европски прашања, Бујар Омсани, на својот Фејсбук профил напиша дека е свесен дека изминативе неколку дена секој од нас, на одреден начин, е под притисок на измешани чувства – на исчекување и надеж, но и на чувство на немир и тензија, поради неизвесноста која се случува во Брисел изминативе два дена.

„Сакам да ве уверам дека на овој пат навистина направивме многу; направивме буквално сѐ што е во наша моќ и тоа ни го признаваат сите, буквално сите политички центри на моќ го признаваат напредокот на земјава. Од реформи со кои ја вративме довербата на граѓаните во институциите, до зрели политички компромиси со кои создадовме земја опкружена со соседи – пријатели. И не е дека овој резултат не беше вреднуван. Стануваме 30та членка на НАТО – нашата најважна гаранција за стабилна и безбедна иднина; но минавме и во нова фаза од Спогодбата за стабилизација и асоцијација со ЕУ со која институционално се поврзуваме со Унијата; го започнавме набљудувачкиот скрининг, а станавме и членки на Јадранско–Јонската група земји. Едноставно како земја навистина се вративме на евроатланскиот пат во најширока смисла на зборот“, напиша Бујар Османи.

 

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close