9.2 C
Скопје

Османи-Дендиас: Северна Македонија и Грција се стратешки партнери

Грција може да биде најдобриот сојузник на Северна Македонија, можеме да бидеме најдобриот пријател на Северна Македонија, истакна денеска шефот на грчката дипломатија Никос Дендиас на прес-конференцијата во грчкото МНР со министерот за надворешни работи Бујар Османи, кој е во официјална посета на Атина.

По средбата во грчкото Министерство, Османи и Дендиас потпишаа меморандуми за разбирање во областа на цивилната заштита, за дипломатската едукација и меморандум за разбирање меѓу „Invest North Macedonia” и „Enterprise Greece”, јави дописничката на МИА од Атина.

На заедничката прес-конференција, којашто поради мерките за заштита од Ковид-19 се одржа со ограничен број новинари, Османи и Дендиас истакнаа дека постои напредок во односите меѓу двете земји, а Северна Македонија и Грција веќе се стратешки партнери.

Се осврнаа и на втората меѓувладина седница што треба да се одржи во следниот период, во зависност од текот на пандемијата.

Шефот на грчката дипломатија рече дека со потпишувањето на меморандумите односите меѓу двете земји направија чекор напред и се задржа на областите во кои има голем потенцијал за соработка како што се енергетиката, економијата, инвестициите.

Прочитајте и...  Маричиќ: Сегашната законска рамка дава простор да се испитува потеклото на имот

Дендиас паралелно ја изрази поддршката на Грција за европската перспектива на нашата земја, како и на регионот и рече дека тоа е важно за стабилноста во регионот.

– Европската Унија има обврска да ја задржи на маса политиката на проширување, порача Дендиас и додаде дека не може да се дозволиме создавање „вакум на нестабилност во нашиот регионот, што може лесно да се пополни од други сили што не се ЕУ и поддржуваат екстримизам”.

Дендиас детално се задржа на потребата и неопходноста Северна Македонија, целосно и доследно да го имплементира Договорот од Преспа, коментирајќи дека е потребен поголем напредок.

На средбата станало збор и за пандемијата, а Дендиас рече дека Грција вложува напори за обезбедување вакцини и за Северна Македонија, а тој лично ќе продолжи со напорите и додаде дека и премиерот Мицотакис е многу активен во овој контекст.

Прочитајте и...  Ахмети: Спорот со Софија ќе биде решен пред бугарските избори на пролет

– Вистинско задоволство е да се почне годината со ваква успешна посета на Грција. Нашите искрени намери се да го надминеме прагот на добрососедството, како коректен политички наратив, и да поставиме основа за изградба на едно подлабоко долгорочно пријателство меѓу двете земји, како највисок израз на успешност на политиката и дипломатијата, истакна Османи.

Шефот на дипломатијата истакна дека принципиелната поддршка на Грција, како непосреден сосед и воедно членка на ЕУ, е особено важна за почеток на преговорите со Северна Македонија, без одложување.

– Ја цениме оваа поддршка и ја сметам за еден од клучните инпути во создавањето долгорочно пријателство меѓу двете земји. Во истата насока сакам да ја нагласам и соработката во рамките на НАТО, преку аранжманот меѓу двете држави за заштита на воздушниот простор, што во голема мера придонесува за унапредување на довербата меѓу двете земји на политички и безбедносен план, рече Османи.

Изрази задоволство од потпишувањето на трите важни меморандуми за соработка, од областа на бизнисот и економијата.

Прочитајте и...  Кумановци масовно со пет автобуси на шопинг во Врање

– Отсекогаш сум велел дека економијата и бизнисот треба да ги предводат нашите односи, наша обврска е преку овие меморандуми, преку политичката соработка, да ги создадеме сите услови за натамошно унапредување на трговската размена, размената во областа на туризмот, инвестициите, како најважна и сигурно нај-опиплива придобивка за граѓаните, рече Османи.

Посочи дека пред двете земји стојат сериозни инфраструктурни и енергетски проекти.

– Преку изградбата на интерконекторот за пренос на гас, поврзување на земјите преку гасовод, возобновување на постојниот нафтовод, учество во изградбата на гасниот терминал Александрополис, железничкото поврзување, патното поврзување и секако отворањето на новите гранични премини Маркова Нога-Лемос и Мајден-Промахои, нагласи Османи.

Министерот Османи претходно оствари средба со претседателката на Грција, Катерина Сакеларопулу, во чиј фокус беа напредокот на билатералните односи по Договорот од Преспа, ситуацијата во регионот и европската перспектива на Северна Македонија.

Eднодневната работна посета на Атина Османи ќе ја заврши со средба со премиерот на Грција Кирјакос Мицотакис.

Поврзани вести

Колхицинот се вклучува во протоколот за третман на ковид-19 во Грција

Слободен печат

Италија ќе преземе правни мерки против Фајзер и АстраЗенека поради доцнење во испораката на вакцини

Слободен печат

Белгија ќе добие 650.000 дози вакцини од АстраЗенека, наместо договорените 1,5 милиони

Слободен печат

Британскиот вид на коронавирусот откриен и во Словенија, заразен маж од Косово

Слободен печат

Франција веројатно ќе мора да влезе во трет карантин

Слободен печат

Египет денеска почна со вакцинација против коронавирус со кинеската вакцина на Синофарм

Слободен печат

Остави Коментар