Османи: Албанско знаме може да се постави каде било

За вицепремиерот Бујар Османи нема ништо спорно и не гледа никаков проблем во чекорот на играорците од Косово кои поставија албанско знаме на Самоиловата тврдина во Охрид, за што беа парично казнати.

Според Османи, албанското знаме може да се постави било каде и тоа, според него, е дозволено со закон, пренесе ТВ21.

– Поставете го албанското знаме каде и да посакате, нема да имате проблеми –-рече Османи во емисијата Клик Плус.

Во понеделникот четири членови на фолклорната група Арбераши од Косово поставија големо албанско знаме, со димензии 6 на 8 метри, на тврдината во Охрид.

Еден од нив, Ѓерѓ Пренкоцај, доби и плати казна од 1.100 евра и доби 5 години забрана за влез во Македонија.

Според Охридскиот суд, тој го нарушил јавниот ред и мир, бидејќи албанското знаме било поголемо на македонското.

Судот одлучувал по барање на полицијата, односно Секторот за внатрешни работи (СВР) – Охрид.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот