Ослабени во Тбилиси: Велкоски и Ристевски позитивни на ковид-19, Барди повреден!
Селекторот на македонската А репрезентација, Игор Ангеловски се соочува со проблеми пред мечот на годината, најважниот за пласман на Европското првенство.
На последното тестирање, позитивни резултати на ковид-19 добија одбранбениот играч Кире Ристевски и напаѓачот Крсте Велковски.
А покрај нив двајца против Грузијците нема да игра и членот на шпанскиот клуб Леванте, Енис Барди. Тој има интервертербтален дискус со мускулен спазам (повреда на рбетот) .
Оваа информација ја потврдија и шпанските медиуми, па така тој ќе се врати во Валенсија на дополнителни прегледи.
Претходно од списокот на Ангеловски отпадна уште едно име поради ковид-19, чуварот на мрежата Даниел Божиновски. За Тбилиси отпатува и Аријан Адеми, но неговиот настап е неизвесен. Фудбалерот на Динамо Загреб се жали на болки во бутниот мускул, но затоа е повикан Енур Тотре од Шкендија.
ВИДЕО+ФОТО: Со среќа момци, срце на терен и борба до крај за Македонија!