Организаторот на Светското првенство 2022 година, Катар повторно се најде под притисок на јавноста откако истрагата на Амнести Интернешнл утврди дека околу 100 работници мигранти кои работат на изградба на еден од стадионите дури седум месеци не добиле плата, а за тој случај знаеле и властите.

Организацијата за човекови права соопшти дека обвинувањата се однесуваат на КМЦ (Katar Meta Coats), компанија која е задолжена за проектирање и изградба на стадионот „Ал Бат“ чиј капацитет треба да изнесува 60.000 седишта.

Откако Амнести Интернешнл покрена тужба против КМЦ во катарските судови, дел од вработените почнале да добиваат плата, но ниту еден од градежниците мигранти не ги добил неисплатените плати.

– Овој случај е последна проклета илустрација колку се уште е лесно да се експлоатираат работниците во Катар, дури и кога градат стадион за Светско првенство – изјави шефот за екомонска и социјална правда на Амнести, Стив Кокбурн.