ВИДЕО ИНТЕРВЈУ | Орце Ефтимов: Синдикалците на средба со министерот за здравство, протестот сепак ќе се одржи
Двацја претставници на Самостојниот синдикат за здравство и Клиничкиот синдикат во моментов се повикани на разговори кај министерот за здравство. Не знам за што ќе се разговара, но тоа нема да биде пречка за денешниот протест на кој медицинските лица ќе го изразат незадоволството за непотпишаниот Анекс за измени на Колективниот договор за здравствена дејност и состојбата со месечните примања, изјави Орце Ефтимов од Самостојниот за здравство, фармација и социјална заштита во гостување на „Утрински печат“.
Протестот ќе се одржи пред Министерството за здравство во пет до 12 – симболика на тоа дека после целиот труд на Синдикатот и аргументиран пристап кон Министерството, време е да се реализира самото потпишување на Анексот.
Барањето на Самостојниот синдикат е потпишување на анексот да се измени Колективниот договор за здравствената дејност кој ќе утврди покачување на платите на сите вработени во дејноста.