ОРБАН ЈА НАЛУТИ ЕУ: Нема да дозволиме Будимпешта да се извлече!
Министрите на Европската Унија го критикуваа унгарскиот премиер Виктор Орбан. Критиките кон Орбан се упатени на сметка на проширување на рестрикција на медиумите, судиите, професорите малцинствата и групите за заштита на правата, што е причина за загриженост поради слабеењето на демократијата во Унгарија, пренесува Ројтерс.
Една година откако Европскиот парламент соопшти дека потезите на Орбан носат „јасен ризик од сериозно кршење на суштинските вредности на ЕУ“, министрите во Брисел го одржаа првото официјално сослушување за Унгарија.
Денешното сослушување е одржано во рамките на истрага за непочитување на владеењето на правото во Унгарија, а што би можело да доведе до суспензија на нејзиното право на глас во ЕУ, ако другите земји се согласат на тоа.
По состанокот, единствено полскиот министер за европски работи, Конрад Симански, рекол дека Варшава не верува оти политиката на Орбан претставува некаков систематски ризик за демократските стандарди.
Останатите нагласиле дека ЕУ нема да дозволи Будимпешта да се извлече.
– Без почитување на владеењето на правото нема ЕУ. Тоа е темелот по кој е изградена Унијата – истакна Франс Тимерманс, кој ја водел истрагата и против Унгарија и против Полска.
– ЕУ на многу начини функционира како семејство, а во семејство мора да постојат правила, бидејќи во спротивно тоа нема да функционира. А основа за тоа е владеењето на правото – изјави австрискиот министер за европски прашања Александар Шаленберг.
Орбан, кој е на власт од 2010. година, ја налутил ЕУ и цврстата анти-мигрантска политика и грубите кампањи против овој блок со антисемитски тонови.