Орбан го поддржа ВМРО-ДПМНЕ на претстојните локални избори

Унгарскиот премиер и претседател на владејачката партија Фидес, Виктор Орбан, денеска го прими раководството на ВМРО-ДПМНЕ, претседателот Христијан Мицкоски и потпретседателот Александар Николоски, во Будимпешта во манастирот „Кармелито“, кој е и седиште на унгарскиот премиер.

Орбан на средбата истакнал дека Унгарија го поддржува приемот на Македонија во Европската Унија и дека земјата треба да биде активен учесник на следните конференции за иднината на Европа.

Од кабинетот на Орбан велат дека унгарскиот премиер изразил поддршка за раководството на ВМРО-ДПМНЕ на претстојните локални избори во Македонија.