4 C
Скопје

Општината контра Иницијативата: ДУП се носи транспарентно и законски

Општина Ѓорче Петров во моментов спроведува постапка за изработка до конечно донесување на ДУП за Градска четврт СЗ 16, со целосно почитување на одредбите на релевантната законска и подзаконска регулатива.

Со Предлог-решението на ДУП се планира развој на овој простор во кој е предвидено и домување во станбени згради, со решенија аналогни на претходно планираните и делумно изведени соседни четврти СЗ 15 и СЗ 18, како и соседниот комплекс Порта Влае. Ова, меѓу другото е одговорот од Општината на обвинувањата на Иницијативата против урбано дивеење, која ја обвини локалната власт за нетранспарентно носење на ДУП и побара ревидирање на плановите во кои се вцртани висококатници без соодветна инфраструктура и зеленило кај кружниот тек и кај пазарчето во Ѓорче Петров.

– Височините на планираните градби се условени од планскиот концепт и произлегуваат од повеќе параметри: усогласеност со зададените параметри од плановите од повисоко ниво, надоврзување со околната планирана и реализирана структура, обезбедување на соодветни меѓусебни растојанија на планираните и постојните градби, можност за целосно инфраструктурно опслужување на градбите и рационална искористеност на земјиштето – велат од Општина Ѓорче Петров.

Прочитајте и...  Истражување: Младите Македонци и Грци веруваат во заедничка соработка и иднина

Оттаму објаснуваат дека за сите планирани содржини во ДУП се планира и соодветна инфраструктура. Некогаш, како што велат, постојната инфраструктура е доволна за новите содржини, а некогаш треба надградба, што исто така се предвидува во самиот план. Од Општината нагласуваат дека при изработката на решенијата за инфраструктурата се бараат мислења од релевантните институции и дека се сослушуваат сите мислења од стручната јавност и од директно засегнатите граѓани, па доколку се оцени дека на одредени делови има можност за подобрување на решенијата, ќе бидат извршени и корекции.

Од Општината ги негираат и обвинувањата од Иницијативата дека плановите се носат нетранспарентно и во тајност и дека граѓаните не поднеле ниту еден анкетен лист затоа што не биле информирани дека се спроведува јавна анкета и презентација на ДУП СЗ 16. Соопштението за јавната анкета и јавната презентација било објавено во два дневни весници, а како што велат, истовремено било поставено и на влезовите во Секторот за урбанизам и на Одделението за просторно и урбанистичко планирање, како и на влезот на Домот на културата Ѓорче Петров, за целото времетраење на јавната анкета од 19.11 до 2.12.2020 година. Соопштението, како и самиот план, се објавени и на општинската веб-страница каде што се сѐ уште достапни за увид на јавноста.

Прочитајте и...  ВИДЕО | Пресуда со затворски казни: 12 години за Мијалков, по 15 години за бегалците Грујевски и Бошковски - Јанкуловска 4 години

– Во текот на јавната анкета поднесени се 20 анкетни листови, а на јавната презентација присуствуваа повеќе од 20 заинтересирани граѓани и претставници на инволвирани институции и органи. Посочуваме дека од заинтересираните граѓани: сопственици на земјиште и градби во рамките на четвртта, поднесени се 11 анкетни листови, од кои дури 10 се барања за предвидување на поголеми површини за градење со намена А2 – Домување во станбени згради и предвидување на поголеми височини за градење – објаснуваат од Ѓорче Петров.

Во планот е предвидено 14 хектари зеленило, но и ново училиште

Од Општината посочуваат дека во предложениот се планирани 8,31 хектари под зеленило (83 100 m²), што претставува над 20 отсто од површината на опфатот во рамки на регулационата линија на четвртта СЗ 16, а дополнително е зададен услов на сите градежни парцели да се почитува Законот за урбано зеленило, со одреден минимален процент на раззеленување на градежните парцели од 20отсто.

Прочитајте и...  Маричиќ за пресудата во случајот „Таргет-Тврдина“: Голем ден за правната држава и за владеење на правото

– Со тоа, вкупните планирани површини под зеленило изнесуваат 13,97 хектари (139 720 м²), што изнесува безмалку половина од вкупната површина на опфатот во рамки на регулационата линија на четвртта СЗ 16 – тврдат од Ѓорче Петров.

Оттаму додаваат во просторот е планирана површина и за ново основно училиште, а кое треба да ги покрие подрачјата на градските четврти СЗ 15, СЗ 16 и СЗ 18, како и на дел од СЗ 14.

Иницијатива против урбано дивеење: Не сакаме облакодери во Ѓорче Петров

Поврзани вести

Шокантно сведоштво: Косовската полиција трага по доктор осуден на 6,6 години затвор за сексуално злоставување на 15-годишното девојче

Илинка Иљоска

ВОЗНЕМИРУВАЧКА СОДРЖИНА I Ловџика на трофеи ја згрози јавноста: На денот на заљубените позираше со убиена жирафа

И.И.

Професорката Беса Арифи: Важен ден, бидејќи моќен човек како Мијалков заврши со сериозна затворска казна

Слободен печат

Летните тераси повеќе нема да го окупираат јавниот простор

Слободен печат

Дијаспората на БиХ во САД не го сака Германецот Кристијан Шмид за нов Висок претставник во нивната земја

Слободен печат

Русија почна со производство на „Спутник V“ во спреј

Слободен печат

Остави Коментар