Општина Карпош ќе презема мерки за намалување на загадувањето на воздухот – Слободен печат
ВестиВи ПрепорачувамеСкопје

Општина Карпош ќе презема мерки за намалување на загадувањето на воздухот

Советниците се согласиле и за одобрување на средства на лицата со попреченост од подрачјето на општина Карпош по повод 3 декември – Денот на лицата со попреченост.

Советот на Општина Карпош на денешната седница со усвојување на одлуките за одобрување на финансиски средства на проекти од областа за заштита на животната средина, природата и енергетската ефикасност, презема мерки за намалување на загадувањето и подобрување на амбиенталниот воздух.

Како што соопшти општина Карпош, се одобриле и финансиски средства на Организацијата на жени на Град Скопје за проектот „Превенција на врсничко насилство во основните училишта на територијата на Општина Карпош”, како и финансиска поддршка на Здружение за меѓукултурна соработка „Отворена забава за сите” – Скопје за проектот „Спорт за сите”. Со одлука на Советот, македонскиот актер Никола Ристановски е прогласен за заслужен граѓанин на Општина Карпош за 2019 година.

Советниците се согласиле и за одобрување на средства на лицата со попреченост од подрачјето на општина Карпош по повод 3 декември – Денот на лицата со попреченост.

Локалната самоуправа времено ќе ја даде на користење без надомест еко-машината за сечење дрва и преработка во дрвен чипс на скопската Зоолошка градина, се наведува во соопштението од Општината.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close