20 C
Скопје

Општина Илинден реализира проект „Со зеленило против загадувањето”

Со засадување на листопадни и зимзелени дрвца и озеленување на просторот на повеќе локации во општина Илинден се реализира еколошкиот проект за почист воздух „Со зеленило против загадувањето”. Од општината соопштуваат дека како дел од континуираните активности за заштита на животната средина, со активностите од проектот за озеленување опфатени се 16 локации на површина од 130 0000 м2.

Од општинската прес-служба информираат дека целта на овој проект е преку озеленување на јавните површини во урбаниот дел на општината, односно покрај пешачко-велосипедските патеки, површини покрај општински улици и патишта, просторот околу домовите на култура, училишните дворови, локалните економски зони, просторот околу градинките, површини околу спортските терени и останати јавни површини, да се придонесе за подобрувањето на квалитетот на воздухот, унапредувањето на животната средина, како и подобрување на условите за живеење и квалитетот на живот во локалната заедница.

– Заштитата на животната средина како еден од најголемите предизвици на денешницата останува приоритет во работењето на општина Илинден. Грижата за екологијата и здравата животна средина е обврска на секој од нас, па во таа насока одржувањето на озеленетите површини и садниците е грижа и обврска на секој поединец во локалната заедница, се наведува во соопштението.

Од општината информираат дека повикот е отворен до сите граѓани, ученици, младинци, пензионери, бизнис секторот, општинските комунални претпријатија, општинската администрација активно да се вклучуваат во реализацијата на проектот „Со зеленило против загадувањето”.

– Секој од нас да даде личен придонес за заедницата, свој придонес во обезбедувањето почист воздух и поздрава животна средина во насока на создавање подобри услови за живеење за нас, но и за идните генерации, посочуваат од Општина Илинден.

Поврзани вести

Заев: Благодарам до мојата другарка Шекеринска

Почина Јаков Лазароски, универзитетски професор и претседател на Претседателството на ЦК на СКМ

Слободен печат

Заев: За мене немаше мирно море

Весна Тодоровска

Папата ги осуди насилствата меѓу Израел и Хамас

Слободен печат

Министерство за транспорт и врски: Договорите за јавни набавки се спроведуваат согласно законите

Слободен печат

Заев: Наместо на барок, споменици и криминални тендери, парите ги насочивме кон граѓаните

Марина Дамческа

Остави Коментар