Опасните жени се секогаш посебни: За фаталната Југословенка мечтаеле сите, а поминала голгота
Жена со илјада лица, Мис на Југославија, жена на вториот човек на Радио телевизија Белград, одличен имитатор. Ова се синоними по кои многумина ја помнат Билјана Ристиќ, дамата која во 70-те години пленеше со убавина, шарм и грациозност. Но нејзиниот живот не бил отсекогаш бајка!
Иако денес не се експонира многу во јавноста, Билјана Ристиќ и понатаму привлекува внимание каде и да се појави.
Потекнува од дипломатско семејство, татко ѝ Драгољуб, по потекло од Косово, бил дипломатски советник, додека мајка ѝ била правничка. Како девојче го пропатувала речиси цел свет, имала можност да ги види Џенова, Њујорк, Отава, Палермо, Падова и други далечни дестинации.
– Осаменоста на девојче во светот на возрасните ја победував со ведрата природа, дружељубивост и имитирање на светот кој не опкружува. Се сеќавам како мама и тато се смееја по враќање од некој дипломатски прием додека ги имитирав сите – раскажа своевремено Биљана за списанието „Блиц жена“.
Но во еден ден сè се сменило. На само 12-годишна возраст останала без татко и, кој ненадејно починал и тоа драстично ѝ го сменило животот.
– Никогаш не патев од големини, умеев да се снајдам. Во моето семејство имаше многу интелектуалци. Од нив го присвоив принципот дека парите се заработуваат и трошат, и дека никакво богатство не е вечно. Мене никој не ми купил прв автомобил или бунда. Сама го заработив – раскажува Билјана која веќе на 14 години почнала да држи часови по англиски јазик за да може да ѝ помогне на мајка си, зашто тој јазик го учела од седмата година.
Од мајка и научила никогаш да не покажува слабост, па животните голготи ги носела со насмевка и крената глава.
Во далечната 1972 година, кога имала 22 години, станала Мис на Југославија, а тоа ѝ помогнало да го запознае гламурниот живот, но ѝ да си најде животен сопатник.
– Би било глупаво да се жалам зашто тоа од мала го посакував, да бидам позната и славна. Бев убава, образована и комуникативна. Англиски зборував како мајчин јазик, а тогаш тоа беше вистинска реткост – објаснила Билјана и додала:
– Опасните жени се секогаш посебни, не по правило и убави. Јас бев мангуп, секогаш своја, добра како личност и другар со мажите. При тоа, во животот имав само неколку сериозни врски и еден единствен брак.
Во тоа време доста се појавувала во јавност, на малите екрани, на разни прослави. Тогаш го запознала Душан Митевиќ, тогашен заменик директор на Телевизија Белград и еден од најмоќните луѓе во медиумите, за кого се омажила.
Талентот за глума и за имитирање на познати светски ѕвезди, како Тина Тарнер и Мерилин Монро, го покажала во рамките на новогодишната шоу програма. Неколку години подоцна го родила синот на кому му дале библиско име, Адам, а кое за тоа време било многу ретко и невообичаено за средината.
– На шега не нарекуваа убавицата и ѕверот. Бевме во брак 24 години и многу го сакав Душан. Беше прекрасен човек и најпаметен маж во светот. Образован, харизматичен, вистински џентлмен со автентичен дух и шарм. Нема такви… Оставка поднесе оној миг кога студентите од него тоа го побараа, што предизвика бурни реакции во власта – раскажа Билјана која на сопругот му зборувала дека политиката е опасна игра поради која сите ќе трпат, но останала покрај него.
Поради ситуацијата која во 1999 година владеела на просторите на поранешна Југославија, одлучиле да се спакуваат и да ја напуштат Србија. Заминале во Будимпешта. Кога се вратила, на медиумите им раскажала дека морале да заминат зашто им се заканувале дека ќе им го киднапираат детето. За да го заштитат, го напуштиле Белград, а само 10 месеци подоцна Душан починал. Билјана го продолжила животот во Будимпешта и се борела сама со својот син. Денес живее на релација Белград – Будимпешта, а синот Адам е успешен фотограф и режисер.
– Ох, немојте за тие денови. Животот ни се смени од корен. Но никако не на подобро како што некои мислеа. Набргу Душан се разболе и навистина сите тројца минувавме низ пекол. Адам остана без татко на 16 години, а јас мојот татко го загубив на 12 години. Баш рано. Животот е некогаш суров режисер – раскажа со тага.
Денес немаме можност често да ја гледаме во јавност, но на нејзините неодамнешни фотографии може да се види дека годините ги носи достоинствено и дека насмевката не ја симнува од лице. Често може да се види во друштво на долгогодишната пријателка Маријана Матеус.
Неодамна го прослави својот 70-ти роденден.
– Среќен роденден на мојата обожавана пријателка, Билјана. Жената која во мојот живот има бројни улоги, а секоја ја исполнува совршено. Ти благодарам за 22-годишното пријателство и лојалност, на довербата и утехите кога најмногу ми требаа, на насмевката и поддршката кога го градев својот живот – меѓу другото напиша Матеус постирајќи заедничка фотографија.
