Онлајн-тренинзи за справување со КОВИД-19 поминаа 2.300 здравствени работници

коронавирус ковид-19 корона лекари доктори болница лекари машина респиратор италија
Лекари во Италија / Фото: EPA-EFE/GIUSEPPE LAMI

Тренингот е развиен од Project HOPE заедно со Brown University од САД и е базиран на препораките на СЗО за справување со ширењето на болеста и заштитата на здравствените работници.

Речиси 2300 здравствени работници, медицински сестри и лекари  од јавните здравствени установи во земјава во три недели беа дел од интерактивните онлајн-тренинзи од програмата „COVID 19 Response Training” која ја реализираше Министерството за здравство.

Тренингот е развиен од Project HOPE заедно со Brown University од САД и е базиран на препораките на СЗО за справување со ширењето на болеста и заштитата на здравствените работници. Се спроведува во многу земји во светот погодени од кризата со вирусот КОВИД 19.

-Со оглед на фактот дека голем дел од здравствени работници во светот, за жал, се заболени со КОВИД-19, идејата на тренингот беше период од три недели да опфати значителен број на здравствни работници од сите сегменти на здравствениот систем, се со цел да се усвојат единствени заштити мерки за медицинскиот персонал и истовремено да се даде адекватна нега во делот на превенција и ширење на инфекцијата и контрола на ситуацијата. Целта на едукацијата беше да се се утврдат протоколи за стабилизација на болните и првична ресуситација, дијагноза и менаџмент на ситуацијата, скрининг и тријажа, како и утврдување на капацитетите на здравствениот систем и негов развој, соопшти Министерството за здравство.

Првично беше избрана група од 40 медицински лица, 20 леакари и 20 медицински сестри кои ја поминаа четиридневната онлајн-обука со обучувачи од Brown University од САД. Тие потоа направија обука на близу 2300 здравствени работници од сите здраветвени установи во земјава.

Во правата фаза, како што информира Министерството, онлајн-тренингот започна со клиниките од Клиничкиот центар „Мајка Тереза” каде близу 650 здравствени работници  ги слушнаа предавањата и развија активна дискусија околу превенцијата и ширењето на инфекцијата со КОВИД 19.

Во втората фаза беа опфатени ГОБ „8 Септември”, Институтот за белодробни заболувања кај децата Козле, Специјалната болница Чаир, психијатриските болници, геријатриските центри,  трите клинички болници Тетово, Битоа и Штип, како и сите општи болници во сите градови во земјава, потоа здравствените домови, институтите за јавно здравје и специјалните болници.

Преку катедарата за Семејна медицна беа организирани обуки на сите избрани лекари од примарното здравство, а преку студентската организација ЕМСА беа организрани предавања и за студентите по медицина. Тренингот заврши со дополнителна обука на клниките во Клиничкиот комплекс „Мајка Тереза” кои се најпогодени од новонастаната ситуација. Во овој комплекс 760 вработени го поминаа тренингот.

-Во услови кога медицинскиот персонал се соочи со досега непознат вирус кој зема замав за релативно кратко време, организираирањето на онлајн-тенинг програма за заштита за што поголем број медицински персонал беше вистински предизвик. Бројката од 2300 учесници кои понатаму протоколите ги пренесоа во своите работни организации  е од големо значење за намалување на трансмисијата на вирусот помеѓу здравствените работници, наведува Министерството за здравство.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот