Онлајн предавање: „Локомотива“ открива „Други простори“
Центарот за нови иницијативи во уметноста и културата „Локомотива“, во рамките на програмата „Современа култура и културни политики / Други простори“, организира серија предавања со дискусии поврзани со позицијата на уметниците и културните работници на пазарот на трудот, односите меѓу уметниците, менаџерите и публиката и нивното меѓусебно влијание, но и меѓусебното влијание со општествените авторитети и средината во која дејствуваат.
Досега се одржаа предавањата „Невидливиот труд на уметноста: придонес кон работна еднаквост во уметноста“ на Катја Празник (Словенија/САД) и „Учесници во уметноста и нивната верност кон уметничкиот настан. За примената на настанот на уметничкиот концепт од Бадју“ на Елеонора Монтањ (Италија/Франција), додека на 6 јули предавање ќе одржи Алвизе Фавото (Италија/Велика Британија) на тема „Анималност, грижа и одговорност – Спекулативна одговорност за животинската сродност“. Предавањата можат да се проследат на фејсбук-страницата на „Локомотива“.
(Текстот е објавен во „Културен печат“ број 38, во печатеното издание на „Слободен печат“ на 4-5 јули 2020)