Онлајн петиција во Сингапур против носење уред за следење на лица со коронавирус

Сингапур /Фото: Миа

Најавата за евентуално носење уред за следење лица заразени со вирусот Ковид-19 во Сингапур предизвика протести кај граѓаните на оваа земја, изразени во форма на покренување онлајн петиција против оваа одлука, пренесува Си-Ен-Ен.

Во петокот, Парламентот во Сингапур ја разгледа можноста за носење уред за следење на луѓето заразени со коронавирусот, откако доброволното користење на мобилната апликација за иста цел не ги даде очекуваните резултати.

Иако сè уште не е познато дали носењето уред за следење ќе биде задолжително, идејата предизвика незадоволство кај Сингапурците, кои покренаа онлајн петиција против воведувањето на таква одлука. За време на викендот беа собрани околу 30.000 потписи.

„Ние – како слободни, независни и законски припадници на сингапурската јавност – ја осудуваме употребата на уредот како силно кршење на нашите права на приватност, личен простор и слобода на движење”, се вели во петицијата.

Сингапур е една од земјите најтешко погодени од пандемијата во регионот, со повеќе од 37.000 потврдени случаи на заразени, најмногу меѓу работниците мигранти кои живеат во колективно домување каде е отежнато почитувањето на физичката дистанца.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот