Белорусија и Полска со месеци ги префрлаат бегалците напред-назад преку своите граници без да им обезбедат соодветни количини на храна, чиста вода и засолништа, соопшти денеска Канцеларијата за човекови права на ОН, а од двете земји се бара „да се справат со оваа ужасна ситуација“.

Бегалците интервјуирани од тимот за човекови права на ОН за време на посетата на Полска меѓу 29 ноември и 3 декември тврдат дека биле изложени на насилство и закани во Белорусија и дека се гладни и без соодветна облека за зимските услови, потврди портпаролот на канцеларијата за човекови права на ОН, јавува Ројтерс.

– Испитаниците ги опишаа ужасните услови од двете страни на границата, со ограничен или никаков пристап до храна, чиста вода и засолниште од ниските зимски температури – рече претставничката на УНХЦР Елизабет Тросел.

Според неа, мнозинството потврдило дека додека биле во Белорусија биле тепани од тамошните безбедносни сили, барајќи им пари за храна и вода и принудувајќи ги да ја преминат границата.

Полска и Белорусија им забранија на претставници на ОН посета на нивната граница