Омилениот колач без брашно и путер, на диетален начин

Работа, обврски, деца, или грижа за роднини и уште размислување што да подготвите за ручек. Премногу обврски за секоја жена.

Со желба да ви олесниме барем кога станува збор за десертот, а ќе признаете дека малку чоколадо ја намалува дури и депресијата, пронајдовме за вас супер вкусен, а повторно многу лесен за подготвување сочен брауни колач.

За него ви се потребни само три намирници: батат (сладок компир), бадеми и чоколадо. Освен тоа, здрав е, полн со влакна и прикладен и за оние кои се на диета, која дозволува мала количина на јаглени хидрати.

Доколку сте алергични на јаткасти плодови, наместо нив ставете семки од сончоглед или кокосово брашно. Исто така, не избирајте премногу горко чоколадо, бидејќи тоа всушност треба да биде изворот на благиот вкус. Забележавте дека колачот не содржи ниту брашно ниту путер, но тука се бадемите и бататот кои ќе му дадат прекрасна текстура.

Важна напомена: Бататот е подобро да се испече во рерна, отколку да се вари во вода или на пареа бидејќи тогаш ќе содржи помалку вода, односно ќе се пече во сопствениот сок.

Состојки:

 

– 2 поголеми батати, околу 300 гр

– 1 шолја или 120 гр бадеми

– 125 гр црна чоколада

 

Подготовка:

Излупете го бататот, исецкајте го и печете го околу 40 минути на 220 степени. Потоа стопете ја чоколадата на пареа, а кога бататот доволно ќе се олади помешајте го со чоколадото и бадемите. Ставете ја смесата во помал калап, па оставете го во фрижидер еден час за колачот да се стегне. Ви останува уште колачот да го исечете на коцки и да уживате во супер здравиот колач.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот