Омилената мисица на Лукашенко освои место во белорускиот парламент
Марија Василевич (22), која често се поврзува со лидерот на Белорусија Александер Лукашенко, по изборите стана најмладата пратеничка во парламентот на оваа земја.
Таа често се појавува во јавноста со Лукашенко (65), а избрана е и за Мис Белорусија за 2018 година.
За потсетување, Лукашенко кој медиумите го нарекоа „последниот европски диктатор“ на власт во поранешната советска република е уште од 1994 година.
Василевич посетуваше хокеарски натпревари, фестивали, како и Светското фудбалско првенство во друштво на Лукашенко. Исто така, тие танцуваа на новогодишниот бал во Минск, кој во живо беше пренесуван на телевизија.
Резултатите од изборите во Белорусија се објавени во понеделникот, а ниту еден опозициски кандидат не освои ниту едно место во парламентот.
ГОЛЕМА ПОБЕДА НА ЛУКАШЕНКО: Белоруската опозиција нема ниту едно место во Парламентот