Единицата за интегритет во атлетиката (АИУ) објави дека Ролинс-Мекнил по втор пат во кариерата е суспендирана поради „неовластено постапување во процесот со управување на резултатите“, на примерокот за време на допинг контролата.

Но, Ролинс-Мекнил веднаш поднесе жалба во Судот за спортска арбитража кој привремено ја замрзна нејзината суспензија за да може да учествува на американските квалификации за Олимписките игри во Токио. Судот во Лозана за случајот на американската атлетичарка ќе одлучува пред Игрите во Токио чиј старт е закажан за 23 јули.

Бријана Ролинс-Мекнил ја пропушти сезоната во 2017 година бидејќи заработи едногодишна суспензија поради пропуштени допинг тестови.
Ролинс-Мекнил го освои златниот медал на Олимписките игри во Рио де Жанеиро 2016 година, а 29-годишната Американка беше и светска шампионка во 2013 година.