Олена Зеленска се огласи по критиките поради позирањето за „Вог“: Ова беше голема можност
Првата дама на Украина Олена Зеленска се огласи откако таа и нејзиниот сопруг, претседателот на Украина Володимир Зеленски позираа за модниот магазин „Вог“, поради што многумина ги критикуваа.
„Ја користам секоја прилика да зборувам за Украина. Ова беше одлична можност“, се огласи сопругата на Зеленски (44), Олена (44), откако се најдоа на мета на критики поради позирањето за „Вог“.
– Милиони го читаат „Вог “ и моја должност беше директно да разговарам со нив. Инаку, не сум навикната на внимание. Сите се бориме и тоа ни е работа. И јас морам да ја работам таа работа – изјавила првата дама на Украина за „Би-би-си“.
View this post on Instagram
Освен тоа, Олена објаснила како Украинците се обидуваат да живеат мирно во деловите од земјата кои се слободни од руски трупи.
– Дури и војниците им кажуваат на своите пријатели да одат на кафе, да гледаат филм, да уживаат во мирот што го имаат. Ние тука сме први да ви го дадеме тој мир – рекла првата дама на Украина и заклучила:
„Киев е мирен град, мора да продолжиме да работиме дури и при ракетни напади. Нема живот без развој, мора да продолжиме.“
View this post on Instagram
Да потсетиме, Олена Зеленска заедно со својот сопруг, претседателот на Украина, Володимир позираа за насловната страница на најновиот број на „Вог“. Во интервјуто за магазинот тие зборуваа за себе, за својот брак и војната во Украина, а набргу потоа добија многу негативни коментари бидејќи позираа додека трае војната.
„Секогаш сакав да бидам зад сцената, тоа ми одговараше. Доаѓањето на светлата на сцената тешко ми падна“, рекла Зеленска. Фотографиите предизвикаа мноштво коментари.
„Зарем вие не треба да и помагате на вашата земја, наместо да се фотографирате за „Вог“?“, „Нивниот народ умира, а тие се фотографираат“, напишаа незадоволните од ваквата медиумска експонираност на украинскиот претседател и првата дама.
ВИДЕО | Зеленска побара повеќе оружје од американскиот Конгрес
Првата дама на Украина, Олена Зеленска: Не се гледа крајот на нашите страдања